Masallı Rayon Polis Şöbəsinin Dövlət Yol Polisi Bölməsi əməkdaşlarının saxladıqları avtomobilin sürücüsünün narkotikin təsiri altında olduğu məlum olub. Bu haqda məlumatı Cenublu.az bu gün, 17 may tarixində Azərforum-a istinadən verir.
Rayon ərazisində hərəkətdə olan “Hyundai” markalı avtomobilin sürücüsü işıq cihazlarından istifadə qaydalarını pozduğu üçün saxlanılıb. Avtomobilin sürücüsü, rayon sakini Məhəmməd Əhədzadənin etibarnaməsinin və sürücülük hüququnun olmadığı, avtomobilin isə tanışı tərəfindən günlük kirayəyə götürüldüyü müəyyən edilib.
Əlavə olaraq məlum olub ki, M.Əhədzadə nəqliyyat vasitəsini narkotik vasitənin təsiri altında idarə edib.
Həmin şəxs barəsində toplanmış materiallar hüquqi ekspertiza üçün rayon məhkəməsinə göndərilib.
