Astaranın Şahağac kəndində yeni intensiv sitrus bağı salınıb. Bu haqda bu gün, 3 iyun tarixində Cenublu.az AZTV-yə istinadən xəbər verir.
Türkiyə mütəxəssislərinin nəzarəti ilə müasir ting əkininə başlanılıb. Hər hektara 650 ədəd olmaqla yapon sortu naringi tingləri əkilir.
Əkin başa çatdıqdan bir neçə gün sonra bağda damla suvarma sistemi qurulacaq və hər bir cərgədə ikicərgəli sistem qurulacaq. Bu bitki böyüyəndən sonra ona lazımi qədər su ilə təmin edilməsinə kömək edəcək. Salınan bağ 4 il sonra məhsul verməyə başlayacaq.
Qeyd edək ki, son illərdə Astarada innovativ üsullarla 200 hektardan çox intensiv subtropik və sitrus meyvə bağları salınıb. Meyvənin növündən asılı olaraq, yeni intensiv sitrus bağlarının hər hektarı üçün 9-11 min manat birdəfəlik subsidiyalar verilir.
