Astara rayonu üzrə il ərzində valideyn himayəsindən məhrum 17 uşaq müəyyən edilib.
Bu barədə modern.az-a Astara Rayon İcra Hakimiyyətindən məlumat verilib.
Rayon İcra Hakimiyyətindən bildirilib ki, onlardan 6-sı qız, 11-i isə oğlandır.
Qeyd edilib ki, müvafiq komissiya tərəfindən araşdırma aparılaraq, onların mənafeləri nəzərə alınmaqla yaxın qohumları nənə, baba, əmilərinin qəyyumluq və himayəsinə verilib. Bunların əksəriyyəti hər iki valideynini itirənlərdir. 3 azyaşlı Rusiyada nənələrinin himayəsində yaşadığına görə qəyyumluğa verilib. 1 azyaşlıya isə ögey atası zorakılıq edib, buna görə də nənənin qəyyumluğuna verilməsi haqqında qərar verilib.
