Astarada 1 iyun - Uşaqların Beynəlxalq Müdafiəsi Günü ilə əlaqədar tədbir baş tutub. Bu haqda məlumatı Cenublu.az bu gün, 2 iyun tarixində verir.
Tədbirdə rayon İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri Firəngiz Sadıxova, Lənkəran-Astara Regional Təhsil İdarəsinin müdiri Elxan Nəcəfov, rayon icra hakimiyyəti və Astara rayonu üzrə təhsil sektorunun əməkdaşları, rayonda fəaliyyət göstərən körpələr evi - uşaq bağçalarının əməkdaşları və orada təhsil alan uşaqlar, mədəniyyət müəssisələrinin nümayəndələri, məktəb direktorları və müəllimlər iştirak ediblər.
Qonaqlar çıxış edərək uşaqlara təbriklərini çatdırıblar. Körpələr evi - uşaq bağçalarında təhsil alan uşaqların iştirakı ilə bir çox ifa və rəqs nömrələri nümayiş etdirilib, o cümlədən Lənkəran-Astara Regional Təhsil İdarəsi tərəfindən bir sıra şəxslər təltif olunublar.
Tədbir Astara Rayon İcra Hakimiyyəti və Lənkəran-Astara Regional Təhsil İdarəsinin Astara rayonu üzrə təhsil sektorunun təşkilatçılığı ilə baş tutub.
