Astarada kişi həyat yoldaşına qarşı zorakılıq edib.
Oxu.аz xəbər verir ki, hadisə rayonun Şüvi kəndində baş verib. Kənd sakini, 1996-cı il təvəllüdlü Elçin Dadaşov spirtli içki qəbul etdikdən sonra sərxoş vəziyyətdə evə gəlib. O, həyat yoldaşından yemək istəyib. Qadın isə onun növbəti dəfə spirtli içki qəbul etməsinə etiraz edərək yemək verməyib. Bu səbəbdən cütlük arasında mübahisə yaranıb.
Mübahisə zamanı E.Dadaşov sobanın yanında olan odun parçası ilə həyat yoldaşına zərbələr endirib. Hadisədən sonra o, polis əməkdaşları tərəfindən saxlanılıb və faktla bağlı cinayət işi başlanıb.
Astara Rayon Məhkəməsində tərəflər arasında barışıq əldə olunub, zərərçəkmiş şəxsə dəymiş maddi ziyan ödənilib. Məhkəmənin qərarı ilə cinayət işinə xitam verilib.
