Astara rayonu Dəmiryol Səyyar Klinikası tərəfindən rayon sakinlərinə oftalmoloji xidmət göstəriləcək. Bu haqda məlumatı Cenublu.az bu gün, 9 may tarixində Azərtac-a istinadən verir.
Aksiya 10 və 11 may tarixlərində saat 09:00-da Astara rayonu Dəmiryol Vağzalında keçiriləcək. Burada müayinələr əsasında göz problemləri ilə bağlı xəstəliklər barədə müzakirə aparılacaq. Buna əsasən, ciddi problemlərlə üzləşən və çətin əməliyyat tələb olunan pasiyentlərin akademik Zərifə Əliyeva adına Milli Oftalmologiya Mərkəzinə gəlmələrinə şərait yaradılacaq.
Tibbi xidmət Səhiyyə Nazirliyi və akademik Zərifə Əliyeva adına Milli Oftalmologiya Mərkəzinin birgə təşəbbüsü ilə təşkil olunacaq.
