Astara KOB əməkdaşları turizm potensialı olan Sım kəndində yerləşən yeni istifadəyə verilmiş qonaq evlərində olublar. Bu haqda bu gün, 31 may tarixində Cenublu.az Astara RİH-yə istinadən xəbər verir.
Rayon İcra Hakimiyyətinin məsul işçisi, Lənkəran-Astara Regional Məşğulluq Filialının Astara rayon Xidmət şöbəsinin müdiri və Astara KOB dostu ilə birlikdə turizm potensialı olan Sım kəndində yerləşən yeni istifadəyə verilmiş qonaq evlərinin sahibləri ilə maarifləndirici iş aparılıb.
Sahibkarlar Dövlət Məşğulluq Agentliyi tərəfindən verilən özünüməşğulluq proqramının aqroturizm zərfi üzrə qonaq evi üçün lazım olan avadanlıqların onların illik gəlirlərinə müsbət təsiri olduğunu bildiriblər. Görüşdə sahibkarların iş fəaliyyəti ilə maraqlanılıb, onların aidiyyəti üzrə şikayət və təklifləri dinlənilib. Turizm sektorunun inkişafı, kənd qonaq evlərinin yaradılması və eyni zamanda yeni turizm infrastrukturunun qurulması istiqamətində göstərilən dövlət dəstəyi, həmçinin avadanlıqlarla təchizat və SİF tərəfindən verilən güzəştli kreditlər barədə sahibkarlara məlumat verilib.
