Astara rayon sakini, təqaüdçü Gülruba Həsənovaya evində kitabxana xidməti göstərilib. Bu haqda məlumatı Cenublu.az 21 may tarixində verir.
Xidmət “Astara ziyalılarımızı tanıyaq” layihəsi çərçivəsində Rayon Mərkəzi Kitabxanasının əməkdaşları tərəfindən icra edilib.
Gülruba Əskər qızı Həsənova 1949-cu ildə Astara şəhərində ziyalı ailəsində dünyaya göz açıb. 1956-cı ildə M.Ə.Sabir adına Astara şəhər 1 saylı orta məktəbinin 1-ci sinfinə qəbul olub, 1966-cı ildə həmin məktəbi bitirib.
1967-ci ildə M.F.Axundov adına Pedaqoji institutun İbtidai sinif müəllimi fakültəsinə daxil olub. 1972-ci ildə institutu bitirdikdən sonra Astara rayonunun Suparibağ kəndində ibtidai sinif müəllimi işləyib. 1975-ci ildə M.Ə.Sabir adına Astara şəhər 1 saylı orta məktəbində ibtidai sinif müəllimi işləyib. 2014-cü ildə 65 yaşında təqaüdə çıxıb, hal-hazırda Astara şəhərində yaşayır.
