Astarada "Narkomaniyaya və erkən nikahlara “yox” deyək!" mövzusunda məktəblilərlə görüş təşkil olunub. Bu haqda məlumatı Cenublu.az bu gün, 10 may tarixində verir.
Görüşdə Astara RPŞ-nin şəxsi heyətlə iş üzrə rəis köməkçisi polis polkovnik-leytenantı Emil Mustafayev, RİH başçısının müavini Firəngiz Sadıxova, Gənclər və İdman sektorunun müdiri Rufan Şirinov iştirak ediblər. Onlar bildiriblər ki, narkomaniya, narkotiklərin qanunsuz istehsalı və yayılması bəşəriyyətin varlığını və inkişafını təhdid edən ən təhlükəli və qlobal problemlərdəndir. Həmçinin erkən nikahların səbəb olduğu ağır nəticələrdən, bu kimi neqativ hallara qarşı görülən işlərdən söz açılıb.
Sonra mövzularla əlaqədar videoçarxlar təqdim olunub, məktəblilərin sualları cavablandırılıb.
Tədbir Rayon Polis Şöbəsinin təşkilatçılığı ilə həyata keçirilib.
