Astara Dövlət Sərhəd Buraxılış Məntəqəsində icazəsiz foto və video çəkilişi edən əcnəbi vətəndaşla bağlı tədbir görülüb.
Teleqraf.аz xəbər verir ki, hadisə ötən gün baş verib. Qardaşını axtarmaq məqsədilə Azərbaycan ərazisindən İrana keçən və Xorvatiya vətəndaşı olan şəxs geri qayıdarkən Astara Dövlət Sərhəd Buraxılış Məntəqəsində mobil telefonu vasitəsilə Astara Gömrük İdarəsinin inzibati binasının daxilində icazəsiz foto və video çəkilişi aparıb.
Məsələ ilə bağlı Dövlət Sərhəd Xidmətinin əməkdaşları həmin şəxsə yaxınlaşaraq qanunsuz çəkilişlə bağlı profilaktik söhbət aparıb və əldə etdiyi görüntülərin silinməsi tələb olunub.
Şəkillər silindikdən sonra əcnəbi vətəndaş etdiyi hərəkətə görə üzr istəyib və sərhədi tərk etməsinə icazə verilib.
