Astara rayon Heydər Əliyev Mərkəzində Müstəqil Azərbaycan dövlətinin qurucusu və memarı ulu öndər Heydər Əliyevin anadan olmasının 101-ci ildönümü ilə əlaqədar “Heydər Əliyev İrsi və Azərbaycan gəncliyi” mövzusunda konfrans keçirilib. Bu haqda məlumatı Cenublu.az bu gün, 8 may tarixində verir.
80 nəfərin iştirak etdiyi konfransda Heydər Əliyevin gənclər siyasəti barədə ətraflı məlumat verilib, xalqımızı mürəkkəb tarixi-siyasi sınaqlardan uğurla çıxarmış və dövlətçilik salnaməmizə silinməz izlər qoymuş, milli qürur və iftixar mənbəyimiz olan ulu öndərin gənclərə örnək olan həyat fəlsəfəsindən bəhs edilib.
Qeyd edək ki, konfrans Lənkəran–Astara Regional Gənclər və İdman İdarəsinin hazırladığı “Heydər Əliyev İrsi” adlı tədbirlər planına əsasən, Lənkəran–Astara Regional Gənclər və İdman İdarəsi və Yeni Azərbaycan Partiyasının Astara rayon təşkilatının birgə təşkilatçılığı ilə baş tutub.
