Astara rayonunda eşşək kənd sakinini dişləyərək ona xəsarət yetirib. Bu haqda məlumatı Cenublu.az bu gün, 6 iyun tarixində Report.az-a istinadən verir.
Hadisə rayonun Pəlikeş kəndində baş verib. Kənd sakini, 41 yaşlı Vəliyulla Talıb oğlu Əliabbasova qonşusunun ulağı hücum edib.
Yerə yıxılan kişinin qoluna xəsarət yetirən ulaq V.Əliabbasovun qulağını dişləyib.
Xəsarət alan kənd sakini Lənkəran Rayon Mərkəzi Xəstəxanasına çatdırılıb.
Cərrahi əməliyyatla yaralının qulağı yerinə tikilib.
Yaralıya digər tibbi yardımlar göstərilib, tetanus əleyhinə zərdab və quduzluğa qarşı peyvənd vurulub.
