Astara rayon Heydər Əliyev Mərkəzində “COP29 beynəlxalq ictimaiyyət tərəfindən Azərbaycana olan böyük ehtiramın və dəstəyin göstəricisidir” mövzusunda tədbir keçirilib. Bu haqda məlumatı Cenublu.az bu gün, 21 may tarixində verir.
Tədbirdə Ş.Qasımov adına 4 saylı məktəbin müəllim və şagirdləri iştirak ediblər. Öncə şəhidlərimizin əziz xatirəsi bir dəqiqəlik sükutla yad edilib, Dövlət Himni səsləndirilib. Çıxışlarda COP29-un ölkəmizdə keçirilməsinə dair qərarın həm yerli, həm də xarici müşahidəçilər tərəfindən çox mühüm bir hadisə kimi qiymətləndirildiyi qeyd edilib. Yığıncaq şagirdlərin mövzu ilə bağlı suallarının cavablandırılması ilə yekunlaşıb.
