Astarada 13 yaşlı əlil yeniyetmə avtomobil vurması nəticəsində dünyasını dəyişib.
Cenublu.az xəbər verir ki, bu gün səhər saatlarında Astara rayonun Kijəbə qəsəbəsində anadangəlmə əlil arabasında gəzən 13 yaşlı Zəkiyyə Tosif qızı Kazımzadə həyətdə ikən, əmisi Vasif Hacıbaba oğlu Kazımov idarə etdiyi "UAZ" markalı avtomobili geriyə hərəkət etdirib. Avtomobil əlil arabasında olan Z.Kazımzadəni vurub. Ağır bədən xəsarətləri alan yeniyetmə Lənkəran rayon mərkəzi xəstəxanasına çatdırılsa da, həkiməqədər ölüm faktı qeydə alınıb.
Meyit daxili və xarici müayinə olunması üçün Məhkəmə Tibbi Ekspertiza və Patoloji Anatomiya birliyinin Lənkəran rayon şöbəsinə təhvil verilib.
Hadisəni törətməkdə şübhəli bilinən V.Kazımov polisə gedərək təslim olub.
Faktla bağlı Astara rayon prokurorluğunda araşdırma aparılır.
