Astara rayonunun meşəlik ərazisində təmizlik aksiyası keçirilib. Bu haqda məlumatı Cenublu.az bu gün, 24 iyun tarixində 1 saylı Regional Ekologiya və Təbii Sərvətlər İdarəsinə istinadən verir.
İməcilik 5 hektar sahəni əhatə edib. Aksiya zamanı həmin əraziyə atılmış ümumi həcmi 3 kvadratmetr (850 kq) olan bərk məişət tullantıları, xüsusilə də plastik və şuşə qablar, polietilen torbalar yığışdırılaraq aidiyyəti üzrə rayonun tullantı poliqonuna daşınıb.
Ümumilikdə 80 nəfərin iştirak etdiyi iməcilik zamanı iştirakçılar və sakinlər arasında bərk məişət tullantılarının düzgün idarə olunması sahəsində də zəruri maarifləndirmə işləri aparılıb.
Layihə 1 saylı Regional Ekologiya və Təbii Sərvətlər İdarəsinin təşkilatçılığı və Astara Rayon İcra Hakimiyyətinin tərəfdaşlığı ilə həyata keçirilib.
