Astaradan olan həkim, mama-ginekoloq Sevil Əliyeva İlham Əliyevin Sərəncamı ilə səhiyyə sahəsində səmərəli fəaliyyətlərinə görə “Tərəqqi” medalı ilə təltif olunub. Bu haqda məlumatı Cenublu.az bu gün, 12 iyul tarixində TƏBİB-ə istinadən verir.
Qeyd edək ki, Sevil Məmmədqulu qızı Əliyeva 1951-ci ildə Astara rayonunda anadan olub. 1969-1975-ci illərdə Azərbaycan Tibb Universitetində təhsil alıb. 1975-ci ildən Astara Rayon Mərkəzi Xəstəxanasında həkim-neonatoloq kimi işə başlayıb. 1989-cu ildən mama-ginekoloq kimi fəaliyyətinə davam edib. Sevil xanım 2010-cu ildən etibarən xəstəxananın Ginekologiya və Doğum şöbəsinin müdiridir.
