Astaranın Hamoşam kəndində "Şuşa İli"nə həsr olunmuş tədbir keçirilib. Bu haqda məlumatı Cenublu.az bu gün, 18 iyul tarixində Lənkəran Regional Mədəniyyət İdarəsinə istinadən verir.
Tədbir Lənkəran Regional Mədəniyyət İdarəsinin Astara rayon Mədəniyyət Mərkəzinin təşkilatçılığı ilə baş tutub.
Əvvəlcə ölkəmizin ərazi bütövlüyü uğrunda şəhidlik zirvəsinə ucalan qəhrəmanlarımızın əziz xatirəsi bir dəqiqəlik sükutla yad edilib.
Lənkəran Regional Mədəniyyət İdarəsinin baş məsləhətçisi, Astara rayonu üzrə nümayəndə Şadoğlan Bayramov tədbiri giriş nitqi ilə açıb.
Sonra iştirakçılar mədəniyyət müəssisələri tərəfindən hazırlanmış kitab sərgisi, eləcə də etnoqrafik, təsviri və tətbiqi sənət sərgiləri nümayiş olunub.
Tədbirin bədii hissəsində “Əvəsor” Folklor Xalq kollektivi və ilk dəfə tamaşaçıların qarşısında çıxış edən, yeni yaradılmış “Hovalim” Folklor kollektivi tamaşaçıların alqışlarına layiq görülüb.
[caption id="attachment_20030" align="alignnone" width="336"]
Foto Lənkəran Regional Mədəniyyət İdarəsinin Facebook səhifəsi[/caption]
