Astara Gömrük İdarəsində xarici ticarət iştirakçıları ilə görüş təşkil olunub. Bu haqda məlumatı Cenublu.az bu gün, 7 may tarixində verir.
Görüş çərçivəsində “Heydər Əliyev və onun sahibkarlığın inkişafında rolu” mövzusunda təqdimat nümayiş olunub.
Daha sonra biznes subyektləri sərhədkeçmə, rəsmiləşdirilmə proseslərinin asan və sürətli şəkildə həyata keçirilməsi, gömrük inzibatçılığının təkmilləşdirilməsi barədə məlumatlandırılıblar, onların təklif və rəyləri dinlənilib, sualları cavablandırılıb.
Toplantının keçirilməsində məqsəd son dövrlərdə gömrük sistemində həyata keçirilən təkmilləşdirilmələrlə bağlı sahibkarların məlumatlandırılması, tətbiq edilən yeniliklərin, layihələrin biznes prosesinin səmərəliliyinin artırılmasındakı rolu barədə biznes nümayəndələrinin rəylərinin öyrənilməsidir.
