Azərbaycan Respublikasının Qida Təhlükəsizliyi Agentliyinin (AQTA) əməkdaşları tərəfindən çörək istehsalı müəssisələrində və heyvan kəsimi və ət satışı məntəqələrində aparılan monitorinqlər zamanı bir sıra nöqsanlar aşkarlanıb. Bu haqda məlumatı Cenublu.az bu gün, 3 aprel tarixində verir.
Belə ki, Masallı şəhəri, H.Əliyev prospektində yerləşən Məmmədov Vahid Xamməd oğluna və Səlimov Elşən Abasət oğluna məxsus heyvan kəsimi və ət satışı məntəqələrində, həmçinin Cəlilabad şəhəri, S.Vurğun küçəsi, 30-da yerləşən və fiziki şəxs Süleymanlı Süleyman Dadaş oğluna, Cəlilabad şəhəri, S.Vurğun küçəsi, 7-də yerləşən və fiziki şəxs Hacıyev Fazil Bəhlul oğluna və Lənkəran şəhəri, H. Abdullayeva küçəsi, 27-də yerləşən və fiziki şəxs Rəcəbov Qurban Malik oğluna məxsus çörək istehsalı müəssisələrində nöqsanlar aşkarlanıb.
Hər bir müəssisənin sahibi barəsində inzibati protokol tərtib olunub.
