Avropa İttifaqının maliyyə dəstəyi ilə baş tutan “Lənkəran-Astara iqtisadi rayonunda meyvə-tərəvəz sektorunda rəqabət qabiliyyətinin, əməkdaşlığın və müasirləşmənin təşviqi” layihəsi çərçivəsində aqrar sahə iştirakçıları üçün növbəti təlim keçirilib. Bu haqda məlumatı Cenublu.az bu gün, 22 iyul tarixində BMT Azərbaycan rəsmi Facebook səhifəsinə istinadən verir.
“Fermerlər və Operatorlar üçün Biznes Planının Hazırlanması” üzrə təlimdə meyvə-tərəvəz dəyər zəncirləri üzrə 18 icma rəhbəri, 20-dən çox fermer, aqronom, aqrobiznes mütəxəssisləri, qida sənayesinin nümayəndələri, eləcə də aqroturizmin inkişafında maraqlı olan tərəflər iştirak ediblər. İştirakçılar biznes-planın hazırlanması, təsərrüfata başlamaq üçün addımlar, gəlirlilik və böyümə strategiyasının yollarını öyrəniblər.
