Bu gün Lənkəran Dövlət Universitetinin (LDU) şəhid tələbəsi Cəsarət Səfərovun anım günüdür.
Cəsarət Səfərov 27 iyun 2001-ci ildə Suraxanı rayonunda anadan olub. Cəsarət Səfərov Lənkəran Dövlət Universitetində ali təhsil alıb.
Vətən müharibəsi zamanı Qubadlının və Laçının azadlığı uğrunda gedən döyüşlərdə iştirak edib. Cəsarət Səfərov 4 noyabr tarixində Laçın döyüşləri zamanı Laçın dəhlizi istiqamətində şəhid olub. II Şəhidlər Xiyabanında dəfn edilib.
Ölümündən sonra “Vətən uğrunda”, “Laçının azad olunmasına görə”, “Qubadlının azad olunmasına görə” və “Cəbrayılın azad olunmasına görə” medalları ilə təltif edilib.
Cəsarət Səfərovun əmisi oğlu Şahmar Səfərov da Vətən müharibəsi şəhididir.
