Həyat yoldaşı və 8 aylıq körpəsini öldürdükdən sonra intihara cəhd etməkdə şübhəli bilinən Masallı sakininin müalicəsi davam edir. Bu haqda məlumatı Cenublu.az bu gün, 23 iyun tarixində Report-a istinadən verir.
Rayon sakini Fərid Hüseynli hazırda Akademik M.Ə.Mirqasımov adına Respublika Klinik Xəstəxanasında müalicə alır. Onun huşu özünə gəlib və hazırda vəziyyəti yaxşıya doğru gedir.
Məlumata görə, F.Hüseynlinin müalicəsi başa çatdıqdan sonra ifadəsi alınacaq və barəsində həbs qətimkan tədbiri seçiləcək.
Faktla bağlı Abşeron Rayon Prokurorluğunda Cinayət Məcəlləsinin müvafiq maddələri ilə cinayət işi başlanılıb.Qeyd edək ki, 30 yaşlı Fərid 20 yaşlı Leyla Hüseynliyə və 8 aylıq körpəsinə kəsici-deşici alətlə xəsarət yetirərək onları öldürüb.
