Masallı rayonunda yanğın nəticəsində yataq xəstəsi olan qadın vəfat edib. Bu haqda məlumat bu gün, 22 yanvar tarixində Fövqəladə Hallar Nazirliyinin rəsmi saytında paylaşılıb.
Hadisə rayonun Qızılağac kəndində qeydə alınıb. Ümumi sahəsi 63 kv.m olan birmərtəbəli 2 otaqlı evin 1 otağının, dəhlizinin yanar konstruksiyaları və dam örtüyü 40 kv.m sahədə yanıb.
Yanğın yerinə cəlb olunan FHN əməkdaşlarının axtarışları nəticəsində Ələkbərova Cənnət Yaqub qızının yanmış meyiti aşkar edilib. Yataq xəstəsi olan 70 yaşlı Ələkbərova Cənnətin meyiti aidiyyəti üzrə təhvil verilib.
Evin qalan hissəsi yanğından mühafizə olunub. Faktla bağlı müvafiq qurumlar tərəfindən təhqiqat aparılır.
