Milli Hidrometeorologiya Xidməti mayın 29-u saat 10:00-a olan faktiki hava barədə məlumatı açıqlayıb.
Xidmətdən Cenublu.az-a verilən xəbərə görə, hava şəraiti əksər rayonlarda əsasən yağmursuz keçib, lakin axşam saatlarında bəzi dağlıq və dağətəyi rayonlarında qısamüddətli yağış yağıb, şimşək çaxıb.
Düşən yağıntının miqdarı Lerik, Cəlilabad, Biləsuvar, Yardımlı, Lənkəran, Astarada 2 millimetrdir.
Bir sıra ərazilərdə şərq küləyi əsib.
Mayın 28-i saat 21:30-21:32 radələrində Yardımlı rayonuna diametri 11 millimetr olan dolu düşüb.
Havanın maksimal temperaturu Aran rayonlarında 33, dağlıq rayonlarda isə 23 dərəcəyədək isti qeydə alınıb.
