ABŞ-nin Florida ştatının Mayami şəhərində azərbaycanlı gənc Ceyhun Sadıqbəyli faciəli şəkildə həlak olub.
Bu barədə Bakupost.az-a Ceyhun Sadıqbəylinin yaxınları bildirib.
Onların dediyinə görə, hadisə “South Beach” adlanan ərazidəki çimərlikdə baş verib. Belə ki, orada istirahət edərkən Ceyhunun həyat yoldaşı suda boğulmaq təhlükəsi ilə üz-üzə qalıb. Xanımını xilas edən Ceyhun özü boğularaq dünyasını dəyişib.
Yenicə ailə həyatı quran Ceyhun Bostondakı şirkətlərin birində satış meneceri işləyirmiş.
Hazırda onun cənazəsinin Azərbaycana gətirilməsi istiqamətində iş aparılır.
Qeyd edək ki, Ceyhun 2000-ci ildə Yardımlı rayonunun Bozayran kəndində doğulub. O, 665 balla ADA Universitetinin Biznesin idarə edilməsi ixtisasının ingilis dilində tədris bölməsinə daxil olaraq bakalavr pilləsini bitirmişdi.
