Yardımlı rayonunun Yardımlı bələdiyyəsinin sədri inzibati məsuliyyətə cəlb olunub.
Valyuta.az-ın məlumatına görə, Lənkəran Regional Ədliyyə İdarəsi tərəfindən bələdiyyə sədri Fəzail Mirzəyev Hünbət oğlu barəsində İnzibati Xətalar Məcəlləsinin 549.2-ci maddəsi (bələdiyyələrin fəaliyyətinə inzibati nəzarəti həyata keçirən orqana təqdim olunmalı bələdiyyə aktlarının surətlərinin vaxtında təqdim edilməməsi) ilə protokol tərtib edilərək iş məhkəməyə göndərilib.
Məhkəmənin qərarına əsasən, Fəzail Mirzəyev İnzibati Xətalar Məcəlləsinin 549.2-ci maddəsində nəzərdə tutulan inzibati xətanı törətməkdə təqsirli bilinib və onun barəsində 400 manat məbləğində inzibati cərimə tətbiq olunub.
Qeyd edək ki, bu inzibati xətaya görə vəzifəli şəxslər 400 manatdan 600 manatadək cərimə edilə bilər.
