FHN-in Cənub Regional Mərkəzi tərəfindən Xəzər dənizinin Lənkəran şəhərindəki sahil zolağında “Su hövzələrində insanların təhlükəsizliyinin təmin olunması” mövzusunda təlim keçirilib. Bu haqda məlumatı Cenublu.az bu gün, 26 iyul tarixində FHN-ə istinadən verir.
Təlim xilasedicilərin sularda təhlükəsizliyin təmin edilməsi ilə bağlı peşə vərdişlərinin təkmilləşdirilməsi məqsədilə təşkil olunub.
Təlimdə şərti baş vermiş suda boğulma hadisəsi zamanı axtarışlar aparılaraq “zərərçəkmiş xilas olunub, ona təxirəsalınmaz ilkin tibbi yardım göstərilib və aidiyyəti üzrə təhvil verilib”.
Sonra təlimin nəticələri təhlil olunub, müvafiq tapşırıqlar verilib.
