"Xan Lənkəran" azarkeşləri 100-dən çox şagirdin sevinməsində iştirak ediblər. Bu haqda məlumat Azərbaycan Azarkeşlər Birliyinin rəsmi Facebook səhifəsində paylaşılıb.
"Təbəssüm yarat" layihəsi çərçivəsində Lerikin Soru kəndinə yardım kampaniyası təşkil edilib. "Xan Lənkəran" azarkeşlərindən savayı "Beşiktaş" və "Milan" azarkeşləri də kampaniyada iştirak ediblər.
78-i qız və 58-i oğlan olmaqla 136 şagirdə xeyirxah insanlardan topladıqları ianələr vasitəsi ilə məktəbli çantası, məktəbli ləvazimatları, gödəkçə, qış ayaqqabısı, papaq və şərf hədiyyə edilib. Tədbirdə Soru kəndinin direktoru və İcra Hakimiyyətinin rəsmiləri iştirak ediblər.
Kampaniyada iştirak etmək istəyənlər "Təbəssüm yarat" komandasının sosial şəbəkə hesablarına müraciət edə bilərlər.
