Azərbaycanın daxili işlər naziri general-polkovnik Vilayət Eyvazov Astarada vətəndaşları qəbul edəcək.
Cenublu.az xəbər verir ki, qəbul Astara Rayon Polis Şöbəsinin inzibati binasında iyulun 30-da Yardımlı, Astara, Lerik, Masallı və Lənkəran şəhər və rayonlarının sakinlərinin iştirakı ilə baş tutacaq.
Qəbula yazılmaq istəyən vətəndaşlar DİN-in səlahiyyətlərinə aid məsələlərlə bağlı 29.07.2025-ci il tarixədək yaşadıqları ərazinin polis orqanına, habelə DİN-in mia.gov.az internet saytı vasitəsilə və sosial şəbəkələrdəki səhifələrinə müraciət edə bilərlər.
Qəbula gələnlərdən şəxsiyyət vəsiqəsi tələb olunur.
