Viləşçay su anbarının suvarma şəbəkəsinin inşasına başlanılır.
İqtisadiyyat.az xəbər verir ki, Azərbaycan Dövlət Su Ehtiyatları Agentliyinin tabeliyindəki Tikilməkdə Olan Obyektlərin Müdiriyyəti bununla bağlı hazırlıqları başa çatdırıb.
İlkin mərhələdə su anbarının suvarma şəbəkəsinin tikintisinin layihə-smeta sənədlərinin hazırlanmasına başlanılıb.
Agentlik layihələndirmə işlərini “Hydrotrans Engineering Mühəndislik Mərkəzi”nə həvalə edib və onunla dəyəri, 1 milyon 700 min manatdan artıq olan müqavilə bağlayıb.
Qeyd edək ki, Viləşçay su anbarı əkinlərin suvarma suyuna tələbatının ödənilməsi məqsədilə tikilib və 1986-cı ildə istismara verilib.
