Bu gün şəhid kapitan Vüsal Quliyevin mövlud günüdür.
Vüsal Tahir oğlu Quliyev 1985-ci ildə Lənkəran şəhərində anadan olub. 2002-2006-cı illərdə Heydər Əliyev adına Hərbi İnstitutda ali hərbi təhsil alıb. Sonra bir müddət Zabit ixtisaslaşma kursunu keçib. 2007-ci ildə isə ixtisaslaşma kursunu başa vuraraq “N” saylı hərbi hissədə leytenant rütbəsində tağım komandiri kimi hərbi vəzifəsinə başlayıb.
Kapitan Quliyev Vətən müharibəsi zamanı Suqovuşanın azadlığı uğrunda savaşıb. 28 sentyabr 2020-ci ildə Tərtər rayonunun Suqovuşan qəsəbəsi istiqamətində döyüşərkən şəhadətə ucalıb. Doğma yurdu olan Lənkəran şəhərində torpağa tapşırılıb.
Ölümündən sonra “Vətən uğrunda”, “Füzulinin azad olunmasına görə”, “Qubadlının azad olunmasına görə”, “İgidliyə görə” və 3-cü dərəcəli “Rəşadət” ordeninə layiq görülüb.
