Bu gün torpaq uğrunda canından keçmiş Vətən müharibəsi şəhidlərimiz – Fərid Hüseynov və Nahid Teymurzadənin ad günüdür.
Fərid Fətəli oğlu Hüseynov 1994-cü il iyunun 23-də Cəlilabad rayonunun Bəcirəvan kəndində anadan olub. Vətən müharibəsi zamanı Şuşanın azadlığı uğrunda gedən döyüşlərdə savaşıb. Fərid Hüseynov noyabrın 7-də Şuşa döyüşləri zamanı şəhid olub.
Ölümündən sonra "Vətən uğrunda", "Füzulinin azad olunmasına görə" medalları ilə təltif edilib.
Nahid Üzeyir oğlu Teymurzadə 1997-ci il iyunun 23-də Biləsuvar rayonu Günəşli kəndində anadan olub.
Vətən müharibəsinə könüllü qoşulan Nahid Cəbrayıl və Kəlbəcər rayonları istiqamətində gedən döyüşlərdə şücaət göstərib və düşmən hücumunun qarşısını alarkən qəhrəmancasına şəhid olub. O, 2020-ci il oktyabr 22-də Biləsuvar rayonu Günəşli kəndində dəfn olunub.
Ölümündən sonra "Vətən uğrunda", "Cəbrayılın azad olunmasına görə", "Xocavəndin azad olunmasına görə" və "Füzulinin azad olunmasına görə" medalları ilə təltif edilib.
