Bu gün əslən Lənkərandan olan şəhidimiz – Romir Əliyevin ad gündür.
Romir Rəşadət oğlu Əliyev 1997-ci il mayın 14-də Lənkəran rayonunun Aşağı Nüvədi kəndində anadan olub.
Vətən müharibəsində Romir könüllü əsgər olaraq iştirak edib. Cəbrayılın, Füzulinin, Zəngilanın azad edilməsi uğrunda gedən döyüşlərdə vuruşub. O, 2020-ci il oktyabrın 21-də Qubadlının azad edilməsi uğrunda gedən döyüşlərdə şəhid olub.
Ölümündən sonra "Vətən uğrunda", "Cəsur döyüşçü", "Cəbrayılın azad olunmasına görə", "Qubadlının azad olunmasına görə" medalları və III dərəcəli “Vətənə xidmətə görə” ordeni ilə təltif edilib.
