Bu gün Vətən Müharibəsi şəhidi Orxan Mirzəyevin doğum günüdür.
Orxan Mirzəyev 1993-cü il sentyabrın 15-də Biləsuvar rayonunun Zəhmətabad kəndində anadan olub.
Azərbaycanın Daxili İşlər Nazirliyinin Daxili Qoşunlarının çavuşu olan Orxan Mirzəyev Vətən Müharibəsi zamanı Füzulinin və Şuşanın azadlığı uğrunda gedən döyüşlərdə iştirak edib. O, 7 noyabr 2020-ci ildə Şuşa döyüşləri zamanı şəhid olub. 10 noyabr 2020-ci ildə Biləsuvar rayonunda dəfn edilib.
Ölümündən sonra “Vətən uğrunda”, “Füzulinin azad olunmasına görə” və “Şuşanın azad olunmasına görə” medalları ilə təltif olunub.
