Bu gün şəhidimiz Bayram Babaşovun doğum günüdür.
Bayram Babaşov 1993-cü il iyulun 10-da Cəlilabad rayonunun Günəşli kəndində anadan olub. 2009-2012-ci illərdə Cəmşid Naxçıvanski adına hərbi liseydə təhsil alıb. 2012-2016-cı illərdə Heydər Əliyev adına Azərbaycan Ali Hərbi Məktəbində ali təhsil alıb. Ailəli idi. 1 övladı yadigar qaldı.
Azərbaycan Ordusunun baş leytenantı olan Bayram Babaşov Vətən müharibəsi zamanı Murovdağın azadlığı uğrunda gedən döyüşlərdə iştirak edib. Bayram Babaşov oktyabrın 2-də Murovdağ döyüşləri zamanı şəhid olub.
Ölümündən sonra “Vətən uğrunda”, “Kəlbəcərin azad olunmasına görə” medalları və 3-cü dərəcəli “Rəşadət” ordeni ilə təltif edilib.
