Bu gün şəhidimiz – Zaur İsmayılzadənin anadan olduğu gündür.
Zaur Nizami oğlu İsmayılzadə 1995-ci il iyulun 29-da Lənkəran rayonunun İstisu qəsəbəsində anadan olub.
Aprel döyüşləri zamanı Zaur İsmayılzadə Azərbaycan Xüsusi Təyinatlı Qüvvələrinin sıralarında hərbi qulluqçu olaraq savaşıb. O, döyüş gedişatında ağır yaralanmışdı və səhhətində problemlər yarandığı üçün 2017-ci ildə ordudan tərxis olunmuşdu.
Vətən müharibəsi zamanı Zaur İsmayılzadə 2020-ci il sentyabrın 29-da könüllü ordu sıralarına qayıtımışdı. Füzulinin azadlığı uğrunda gedən döyüşlərdə vuruşmuşdu. Zaur İsmayılzadə 2020-ci il oktyabrın 7-də Füzuli rayonu istiqamətində döyüş tapşırığının yerinə yetirilməsi zamanı şəhid olub. Lənkəran rayonunda dəfn olunub.
Ölümündən sonra "Vətən uğrunda", "Cəsur döyüşçü", "Füzulinin azad olunmasına görə", "Şuşanın azad olunmasına görə" medalları və 3-cü dərəcəli “Vətənə xidmətə görə” ordeni ilə tətif edilib.
