Bu gün Vətən müharibəsi şəhidimiz – Rəşad Quliyevin anadan olduğu tarixdir.
Rəşad Əfras oğlu Quliyev 1988-cu il iyulun 5-də Cəlilabad rayonunun Uzuntəpə kəndində dünyaya göz açıb.
Azərbaycan Ordusunun kapitanı olan Rəşad Quliyev Vətən müharibəsi zamanı Tərtər rayonunun Talış qəsəbəsinin azadlığı uğrunda gedən döyüşlərdə savaşıb. Rəşad Quliyev oktyabrın 4-də Talış döyüşləri zamanı şəhid olub. Cəlilabad rayonunda dəfn olunub.
Ölümündən sonra "Vətən uğrunda", "Suqovuşanın azad olunması uğrunda" və “İgidliyə görə" medalları və 3-cü dərəcəli "Rəşadət" ordeni ilə təltif edilib.
