Bu gün Masallıdan olan şəhid Famil Habil oğlu Əlizadənin doğum günüdür.
Azərbaycan Silahlı Qüvvələrinin əsgəri Famil Əlizadə 1999-cu ildə mayın 3-ü Ərkivan qəsəbəsində anadan olub. O, 2017-ci ildə müddətli həqiqi hərbi xidmətə çağırılıb.
2017-2019-cu illərdə Azərbaycan Silahlı Qüvvələrinin “N” saylı hərbi hissəsində xidmət edib.
Vətən müharibəsi zamanı Füzulinin azadlığı uğrunda gedən döyüşlərdə fəal iştirak edib. 21 oktyabr tarixində şiddətli Füzuli döyüşlərində şəhidlik zirvəsinə ucalıb. Masallı rayonunun Ərkivan qəsəbəsində dəfn edilib.
Ölümündən sonra “Vətən uğrunda” və “Füzulinin azad olunmasına görə” medalları ilə təltif edilib.
