“Qarabağ”ın və Azərbaycan millisinin müdafiəçisi Toral Bayramov Donetskin “Şaxtyor” klubunun maraq dairəsinə düşüb.
Cenublu.az Ukrayna KİV-lərinə istinadən xəbər verir ki, Ukrayna klubunun baş məşqçisi Arda Turan futbolçunu öz komandasında görmək istəyir.
Məlumata əsasən, türk mütəxəssis klub rəhbərliyinə təqdim etdiyi hesabatda azərbaycanlı cinah müdafiəçisinin güclü tərəflərini qeyd edib. Arda bildirib ki, Toral Bayramovu hələ “Eyüpspor”u çalışdırdığı dövrdən izləyir və onun Ukrayna çempionatında özünü göstərə biləcəyinə inanır.
“Şaxtyor”un baş məşqçisi hesab edir ki, “Xəzər Lənkəran”ın yetirməsi böyük potensiala malikdir və düzgün inkişafla 2-3 il ərzində Avropanın aparıcı klublarından birinə böyük məbləğə transfer oluna bilər.
Mənbənin bildirdiyinə görə, Turan xüsusilə son aylarda Bayramovun “Qarabağ”ın əsas heyətində yer almasının çətinləşdiyini nəzərə alaraq, onun icarəyə götürülməsi və sonradan alınması hüququ ilə transfer edilməsinin tərəfdarıdır.
