Lənkərandan olan tanınmış həkim, tibb üzrə fəlsəfə doktoru Fariz Babayev öz ərizəsi ilə Respublika Klinik Uroloji Xəstəxanasının direktoru vəzifəsindən azad olunub.
Səhiyyə Nazirliyinin baş nefroloqu olan Fariz Babayev 1963-cü ildə Lənkəran şəhərində anadan olub. O, 2003–2021-ci illərdə Respublika Klinik Uroloji Xəstəxanasının Hemodializ şöbəsinin müdiri vəzifəsində çalışıb, həmçinin 2006-cı ildən Avropa Nefroloqlar və Dializ Assosiasiyasının üzvüdür.
Həkimlik fəaliyyətindən əlavə, Fariz Babayev həvəskar bəstəkar kimi də tanınır. Tanınmış şair Həbib Səfərovun sözlərinə yazdığı “Lənkəran” mahnısı (Cavad Rəcəbovun ifasında) bu gün Lənkəranın simvollarından biri hesab olunur. Mahnı artıq illərdir dillər əzbəridir və şəhərin musiqi brendi kimi tanınır.
