Məşhur "Talış balası" mahnısının ifaçısı Ruslan Əbilov ilə Ülviyyə Namazova arasında qalmaqal yaşanıb. Belə ki, Ülviyyə Namazova öz “TikTok” və “Instagram” səhifələrində ifa etdiyi "Talış balası" mahnısını paylaşıb. Bu isə Ruslan Əbilovun qəzəbinə səbəb olub. Ruslan Ülviyyədən mahnını silməyini tələb edib, səbəb kimi isə ondan halallıq alınmamasını göstərib. Hətta ötən gün "Kanal S"də yayımlanan verilişə qonaq olan Ruslan Ülviyyənin bu mahnını səsləndirməsinə hiddətlənib və studiyanı tərk edib.
