Dini qurumlarla iş üzrə Dövlət Komitəsinin əməkdaşları Sərhəd Qoşunlarının “Lənkəran” sərhəd dəstəsində sərhədçilərlə görüşüblər. Bu haqda məlumatı Cenublu.az bu gün, 1 may tarixində verir.
Tədbirdə Dini Qurumlarla İş üzrə Dövlət Komitəsi və İlahiyyat İnstitutunun nümayəndələri “Dinin siyasətləşdirilməsinin milli dövlətçiliyimizə təhlükələri” mövzusu və bu istiqamətdə aparılan maarifləndirmə işlərinin vacibliyi haqqında çıxış ediblər.
Daha sonra qulluqçuları maraqlandıran suallara cavab verilib, məzhəb ayrı-seçkiliyi və məzhəblərarası fitnənin fəsadlarından bəhs edən “Fitnə” sənədli filmi təqdim olunub.
Yekunda qonaqlar hərbi hissədə yaradılmış şəraitlə tanış olublar.
