Salyan rayonunda kişi ailə münaqişəsi zamanı həyat yoldaşını bıçaqlayıb.
Lent.аz xəbər verir ki, hadisə Aşağı Kürkənd kəndində baş verib. 50 yaşlı Musa Ələkbərov (ad şərtidir) səhər saatlarında spirtli içki içmək istəyib, lakin evdə içki və pul olmadığı üçün bir neçə ay əvvəl aldığı xoruzu bazara apararaq 7 manata satıb. Həmin pula bir qutu “Mançester” siqareti və 250 qram araq alıb. Evə gələndən sonra içkini qəbul edən kişi sərxoş olub.
Musa Ələkbərovun həyat yoldaşı ev quşunu satdığına görə onunla mübahisə edib. Mübahisə zamanı kişi arvadını bıçaqlayaraq qolundan yaralayıb. Zərərçəkən oğlu tərəfindən xəstəxanaya aparılıb və tibbi yardım göstərilib.
Faktla bağlı Musa Ələkbərov barəsində Cinayət Məcəlləsinin 128-ci (qəsdən sağlamlığa yüngül zərər vurma) maddəsi ilə cinayət işi başlanılıb.
