Salyan rayonunda elektrik cərəyanı vuran gənc xəstəxanada həyatını itirib.
Report.аz xəbər verir ki, rayonun Boranıkənd kənd sakini, 2004-cü il təvəllüdlü İlqar Əliyev yük maşınında ot bağlaması qaldırarkən ehtiyatsızlıqdan elektrik naqilinə toxunub.
Nəticədə cərəyanın təsirindən yerə çırpılaraq müxtəlif dərəcəli xəsarətlər alan İlqar Əliyev Salyan Rayon Mərkəzi Xəstəxanasına çatdırılsa da, həkimlərin səyinə baxmayaraq, iki gündən sonra xəstəxanada ölüb.
Faktla bağlı araşdırma aparılır.
