Bu gün Azərbaycanın Silahlı Qüvvələrinin polkovnik-leytenantı Miriyev Telman Mirbaba oğlunun doğum günüdür.
Telman Miriyev 1981-ci il iyulun 19-da Cəlilabad rayonunun Günəşli kəndində anadan olub.
Polkovnik-leytenant T.Miriyev Azərbaycan Ordusunun Xüsusi Təyinatlı Qüvvələrində xidmət edib.
2016-cı ilin Aprel döyüşlərində iştirak edən T.Miriyev Lələtəpə yüksəkliyinin düşməndən azad olunması istiqamətində aparılan döyüş əməliyyatına rəhbərlik edib.
XTQ zabiti Telman Miriyev 2016-cı il oktyabrın 27-də hərbi poliqonlardan birində praktiki məşqlər zamanı həlak olub. Mərhum doğulub boya-başa çatdığı Cəlilabad rayonunda torpağa tapşırılıb.
Qeyd edək ki, həlak olan XTQ zabiti polkovnik-leytenant Telman Miriyevə ölümündən beş il sonra şəhidlik statusu verilib.
