Bu gün Azərbaycan Silahlı Qüvvələrinin polkovnik-leytenantı, Vətən müharibəsi şəhidi Nail Orucovun doğum günüdür.
Nail Rəfail oğlu Orucov 11 iyun 1978-ci ildə Astara rayonunun Məsçitməhəllə kəndində anadan olub.
Vətən müharibəsi zamanı onun taboru Füzuli, Hadrut, Cəbrayıl və Qubadlı istiqamətində əks-hücum əməliyyatları ilə düşməni geri çəkilməyə məcbur edib, Azərbaycan və Ermənistan sərhədinin Qubadlı rayonuna düşən hissəsini tam nəzarətə alıb. 31 oktyabr düşmən təxribatı nəticəsində Qubadlıya yenidən hücum olunub və düşmənin artilleriya atəşi nəticəsində üç oğul atası Nail Rəfail oğlu Orucov şəhadətə yüksəlib.
