Sabirabadda sosial şəbəkədə dini radikalizmi və kriminal aləmi təbliğ edən şəxs məsuliyyətə cəlb olunub.
Teleqraf.аz xəbər verir ki, rayonun Mürsəlli kənd sakini, 26 yaşlı F.Kərimli “Odnoklassniki” sosial şəbəkəsində öz profili vasitəsilə dini radikalizm və kriminal aləmi təbliğ edən paylaşımlar edib.
Polis əməkdaşları onu profilaktik söhbət üçün şöbəyə dəvət edərkən, F.Kərimli səs-küy salıb və qanuni tələblərə tabe olmayıb. Araşdırma zamanı onun barəsində İnzibati Xətalar Məcəlləsinin 510-cu (xırda xuliqanlıq) və 535.1-ci (polis əməkdaşının qanuni tələbinə tabe olmama) maddələri ilə protokol tərtib olunub.
İş Sabirabad Rayon Məhkəməsinə göndərilib. Hakim Cavid Cəfərovun qərarına əsasən, 535.1-ci maddə ilə ittihama xitam verilib, F.Kərimli isə 510-cu maddə üzrə təqsirli bilinərək 5 sutka inzibati həbs cəzası alıb.
