Rusiya-Ukrayna müharibəsində Ukrayna ordusuna əsir düşən azərbaycanlının görüntüləri yayılıb.
Cenublu.az xəbər verir ki, sosial mediada yayılan videoda Lənkəran sakini olduğunu deyən Orazjanzadə Şahmar Aqoyli oğlu müharibəyə Rusiya ordusu sıralarında qatıldığını bildirib.
Əslən Boladi kəndindən olan, 1993-cü il təvəllüdlü Şahmar Orazjanzadə videoda qeyd edib ki, Rusiyada cinayət törətdiyi üçün həbsdə olub. Daha sonra orduya cəlb edilərək təlimlərə qatılıb və müharibə zonasına göndərilib.
O, öz istəyi ilə Ukrayna tərəfinə təslim olduğunu, müharibəyə yalnız pul qazanmaq məqsədilə qatıldığını, lakin bunun səhv qərar olduğunu bildirib. Həmçinin digərlərinə bu yolla getməməyi tövsiyə edib.
Qeyd olunur ki, Şahmar əvvəllər Lənkəranda yaşayarkən kənd məscidindən oğurluq etdiyi üçün də həbs edilib.
