Sabirabad Rayon Polis Şöbəsinin əməkdaşları tərəfindən keçirilən tədbirlər nəticəsində rayonun Moranlı kəndində yerləşən fərdi yaşayış evlərindən birindən pul və qızıl-zinət əşyaları oğurlayan Araz Qarayev saxlanılıb.
DİN-in Mətbuat Xidmətinin Şirvan regional qrupundan Cenublu.az-a verilən məlumata görə, həmin şəxs qohumunun evinə qanunsuz daxil olaraq 2500 manat dəyərində qızıl-zinət əşyaları, həmçinin içərisində 39 500 manat və 12 000 ABŞ dolları olan seyfi aparıb.
Məlum olub ki, A.Qarayev oğurluq yolu ilə əldə etdiyi pulların böyük hissəsini xərcləyib, bir qismi ilə isə minik avtomobili alıb.
Faktla bağlı cinayət işi başlanıb, şübhəli şəxs barəsində həbs qətimkan tədbiri seçilib. Araşdırmalar davam etdirilir.
