Astarada 55 yaşlı qadını 21 yaşlı gəlini qətlə yetirib. Hadisəni törətməkdə şübhəli bilinən gəlin hüquq-mühafizə orqanları tərəfindən saxlanılıb.
Cenublu.az xəbər verir ki, hadisə rayonun Kakalos kəndində qeydə alınıb. İlkin məlumatda 55 yaşlı Xalidə Manafovanın özünə kəsici alətlə xəsarət yetirdiyi bildirilirdi. Meyit daxili və xarici müayinə olunduqdan sonra məlum olub ki, Xalidə Manafova kəsici alətlə çoxsaylı zərbələr nəticəsində qətlə yetirilib.
Rayon hüquq-mühafizə orqanları əməkdaşları tərəfindən müəyyən olunub ki, onu yaşadığı evdə gəlini, 2004-cü il təvəllüdlü Rufanə İmanova ailə münaqişəsi zəminində kəsici alətlə qətlə yetirilib.
Rufanə İmanova saxlanılaraq istintaqa təhvil verilib.
Faktla bağlı Astara rayon prokurorluğunda araşdırma davam etdirilir.
Qonşular bildiriblər ki, mərhum Xalidə Manafova sakit təbiətli, yaxşı qadın imiş. Rufanə İmanova isə 4 il öncə həmin evə gəlin köçüb. Onun 3 və 1 yaşında övladları var.
